-- ADVERTISEMENT --
Gilauman nga madungagan pa ang ihap sa mga nabuthan ug pabuto sa nakalabay nga pagsaulog sa Pasko ug Bag-ong tuig, matod pa sa Department of Health (DOH).
Kini taliwala sa nagpadayong pagpanguha ug pag-validate sa mga datos sa DOH- Epidemiology Bureau. Gipahayag ni Health spokesperson ASec. Albert Domingo, posibleng madungagan pa ug mosobra sa 300 ka mga biktima sa pabuto ang gikatala sa kinatibuk-ang 235 ka mga kaso, sa unang adlaw sa tuig 2026.
Dugang pa sa opisyal, mitaas pa ang ihap sa mga biktima sa pabuto gumikan sa late reports. Subay sa gipagawas nga datos sa ahensya, kadaghanan sa mga biktima sa pabuto sa nakalabay nga holiday celebration ang anaa sa edad nga 19-anyos paubos.
