Gikabutyag nga anaa pa sa 24 ka mga OFWs ang kasamtangang nakahan-ay sa pagbitay sa ubang nasud gumikan sa gi-atubang nga nagkadaiyang kaso.
Gipahayag ni Department of Migrant Workers (DMW) Secretary Hans Leo Cacdac, ang nahisgutang ihap ang nahilakip sa 3,000 ka mga OFWs nga nag-atubang sa mga kasong legal sa mga nasud nga ilahang nahimutangan.
Gipaneguro usab sa opisyal, ang mga OFW ang padayong gitabangan sa gobyerno pinaagi sa DMW ug Department of Foreign Affairs (DFA). Samtang dako ang gi-ubos sa ihap sa mga OFW nga nakahan-ay sa pagbitay kung ikumpara sa nakalabay nga tuig nga mi-abot sa 40-70 ka mga kaso.
Nahimong 49 na lamang kini sa nakalabay nga tuig hangtod nga mi-abot sa 24 karong tuiga.
Samtang gipahayag usab ni DMW Assistant Secretary for Welfare Maria Regina Galias, majority sa death row cases ang adunay kalabutan sa iligal nga droga.
Kadaghanan kuno sa nakahan-ay sa pagapatyon ang anaa sa Malaysia, Asia Pacific region, Middle East ug Africa.
