Wala na madala pa sa ospital ang usa ka biktima sa pagpamusil kagahapon sa udto human nakabsan kini sa kinabuhi sa Bago Aplya, ning dakbayan sa Davao.
Naabtan na lamang sa mga otoridad nga nagkulob na ang usa ka lalaki, human kalit kining gipusil sa wala pa mailhing suspetsado.
Subay sa report gikan sa kapulisan, giila ang biktima nga si George Ledesma, 30-35 anyos nga residente sa Brgy. Visayan Village, Tagum City, Davao del Norte.
Sa inisyal nga imbistigasyon sa Baliok PNP, pasado alas Dusi kagahapon sa udto nahitabo ang pagpamusil sa daplin sa karsada atubangan sa usa ka gasoline station.
Sumala pa sa mga nakakita, gikan sumala pa nagpalit og tambal ang biktima sa usa ka pharmacy sa lugar, ug sa iyahang pagbaktas gisundan kini sa usa ka armadong suspek og gipusil sa iyang ulo. Human sa pagpamusil, dali nga misibat ang suspetsado sa wala matino nga direksyon.
Subay sa gihimong follow-up nga imbestigasyon sa kapulisan, kabahin sa trabaho ang motibo sa pagpusil-patay ngadto sa biktima. Sumala pa sa kapulisan, nagatrabaho ang biktima isip tigproseso sumala pa og dokumento sa Land Transportation Office (LTO-Xl).
Kini karon ang ginasubay sa mga otoridad aron matumbok kung kinsa ang nagpaluyo sa maong pagpamusil.
Samtang gikumpirma usab sa mga otoridad nga daan na sumala pa nga nakadawat og hulga sa kinabuhi ang biktima.
