Mipadayag karon sa ilahang gibati sa social media ang kabanay sa gipatay nga Kapitan sa Brgy. Tres De Mayo sa Digos City mahitungod sa hustiya kang Kapitan Bucol.
Subay sa gipaguwang pahayag sa igsuon sa gipatay nga kapitan nga si Jay Caren Bucol nga “Walay lubong mahitabo hantod walay hustisya”.
Samtang gi-awhag usab niini ang mga otoridad nga molihok aron mahatag ang hustisya sa biktima.
Samtang gisaysay usab niini ang kapila na ka higayon sumala pa nga nahatagan og hustisya ni Kapitan Bucol ang mga biktima nga nidangop kaniya tungod sa Rape, pagpauhot og iligal nga droga,Kawat ug uban pa nga dali ra kaayo niiini nahatag ang hustisya alang kanila unya karon siya ang anaa sa ingon niini nga sitwasyon gidugay sumala pa ang paghatag niini.
Gipahinumdom usab sa igsuon sa kapitan ang ulahing gilitok niini ang pagpangayo og tabang nga pasabot sumala pa niini, nga nuot sa bikyima nga tabangan kini nga makab-ot ang hustiya alang kaniya.
Gibutyag usab sa nahisgutan nga tataw na sumala pa kung kinsa ang mibuhat sa krimen.
Samtang sa laing bahin, ginalaraw karon sa kabanay ni Bucol nga ilahang ipahiayon ang “A Walk for Justice and Prayer Rally”.
Kahinumduman nga gikumpirma sa NBI nga nadawat na usab nila ang sulat ni Atty Israelito Torreon kabahin sa ipahigayon nga imbistigasyon.
Sa laing bahin, wala pa’y anunsyo gikan sa SITG Bucol sa PNP kung nagsugod na ba usab kini og imbestigar.
Hangtod karon, wala pa’y migula nga bisan unsang pamahayag gikan sa SITG.
