Naangkon sa Pilipinas ang dakong kadaugan sa pamatigayon human giwagtang Estados Unidos ang taripa sa kapin $1 bilyon nga kantidad sa mga produktong agrikultura sa nasud, lakip na usab sa nagkadaiyang mga industrial goods nga naghatag ug dalan aron halos katunga sa kinatibuk-ang exprot sa Pilipinas sa US ang makasulod nga duty-free.
Sumala kang Acting Finance Secretary Frederick D. Go, dako kining tabang sa mga mag-uuma sanglit kalakip sa mga produktong gikibhangan og 19% tariff ang saging, lubi, mangga, dried guava, kape, tsaa, spices, ug pipila ka mga fertilizers.
Gipamugos ni Go nga ang pagwagtang sa taripa ang mopalig-on sa kompetibong katakos sa mga produktong Pilipino, maka-mugna og mga trabaho ug mopalig-on sa supply chain.
Sumala usab sa Department of Trade and Industry, miabot sa $1 bilyon ang export value sa mga produktong agrikultural niadtong 2024, samtang $5.8 bilyon usab ang kantidad sa industrial products nga apil usab sa exemptions.
Na-una na nga gipahiibalo sa White House niadtong Biyernes nga giwagtang na sa U.S. ang taripa human ang reciprocal trade talks ug pag-imbestiga sa domestic demand ug production capacity.
Sa bag-ong polisiya, halos $14.5 bilyon nga eksport sa Pilipinas sa U.S. ang makasulod nga walay taripa, apil na ang daghanang industrial products sama sa semiconductors.
Gikanayon usab nila Go ug DTI Secretary Cristina Roque nga apdayon pa ang negosasyon aron maapil usab ang garments, textiles, ug furniture sa sunod nga batch sa tariff exemptions.
Ang 19% tariff ang gipahamtang sa U.S. sa kadaghanang mga produktong Pilipino niadtong Hulyo, dungan sa uban pang major ASEAN economies.
