Mibalibad si kanhing House Speaker ug Leyte Rep. Ferdinand Martin Romualdez sa paghatag og pahayag kabahin sa mga alegasyon sa ni-resign nga si Elizaldy Co.
Iyahang gibarugan nga ang maong mga pahayag wala gihimo ubos sa pagpanumpa ug walay igong timbang sa hukmanan.
Gibutyag ni Romualdez nga nagasalig siya sa Independent Commission for Infrastructure (ICI), Department of Justice (DOJ), ug Office of the Ombudsman nga mosusi sa tanang pahayag subay lamang sa ebidensya.
Hapsay sumala pa ang iyahang konsensya.
Dugang pa niini nga siya nga makigkuyog sa bisan unsang legal nga proseso, ug nagatuo kini nga mogawas ang kamatuoran sa hustong mga institusyon.
Una na usab nga gibutyag ni Co nga si Pangulong Ferdinand Marcos Jr. ug si Romualdez sumala pa ang nagmando kaniya sa pagproseso sa budget insertions nga miabot og P100 bilyon.
