Gikatakda nga pagapulihan karong adlawa isip regional director sa kapulisan sa Davao Region si Brigadier General Joseph Arguelles kinsa pipila ka bulan pa lamang sa iyahang paglingkod sa pwesto hulip kang BGen. Leon Victor Rosete.
Subay sa kamanduan gikan sa Camp crame, epektibo Nobyembre 14 mubalik isip Direktor sa Police Regional Office 11 si Brig.Gen.Rosete nga kini nga kamanduan ang gikumpirma ni Major Catherine Dela Rey, tigpamaba sa kapulisan sa rehiyon Onse.
Nasayran nga Gen. Rosete ang kasamtangang kumander sa Area Police Command sa Southern Mindanao.
Wala usab gikabutyag kung asa ibutang si Bri.Gen.Arguelles sa bag-o niini nga katungdanan.
Una na nga nagdumala si Rosete sa rehiyon pipila lamang usab ka bulan ang nakalabay human nga gipuli kini kang kanhing PNP Chief Nicolas Torre 111.
