Gikatakda nga imbitahan sa House Committee on Public Account si kanhing DENR Secretary Roy Cimatu sa umaabot nga pagdungog sa komite.
Ang pagdungog magpokus sa kontrobersyal nga Manila Bay Dolomite Beach project.
Sumala sa Committee Chairperson Terry Ridon, buot sa komite nga masayran kung giunsa pagsugod ang proyekto ug nganong gipadayon kini bisan pa man nga wala kini naapil sa Manila Bay Sustainable Development Master Plan.
Gipasabot ni Ridon nga si Cimatu ang adunay nag-unang responsibilidad sa rehabilitasyon sa Manila Bay isip kanhing Secretary sa DENR.
Lakip siya sa pagplano ug pagpahigayon sa Dolomite Beach Project.
Gusto usab sa komite masayran kung ang proyekto uyon ba sa Continuing Mandamus sa Korte Suprema kabahin sa pagpanglimpyo ug rehabilitasyon sa Manila Bay.
