Gipasabot sa state weather bureau nga mas kusog gihapon ang Super Typhoon Yolanda kung ikumpara sa bagyong Uwan, bisan pa man kini adunay potensyal nga mahimong usa ka super typhoon.
Sa press briefing sa Department of Science and Technology (DOST-PAGASA)kagahapong adlawa giklaro ni Weather Services Chief Engr. Juanito Galang nga bisan pa man adunay daghang pagkapareho ang duha ka bagyo, ilabi na sa ilang rapid intensification posible gihapon nga dili maabot sa Uwan ang kusog nga dala kaniadto sa Super Typhoon Yolanda.
Iyang gipasabut nga sa panahon ni Yolanda, bisan pa nga wala pa kini nakasulod sa Philippine Area of Responsibility (PAR), kusog na kaayo ang iyang mga hangin ug nagpadayon pa kini sa pagkusog.
Mas paspas usab kuno ang lihok ni Yolanda kumpara sa Uwan, hinungdan nga sa pagka-landfall niini sa Visayas, daghang mga istruktura ang nadaut o naguba.
Bisan pa niana, dili gihapon giwagtang sa PAGASA ang posibilidad nga makahatag og dakong kadaot ang Uwan, ilabi na kung magpadayon kini sa pagkusog sa dili pa kini maka-landfall.
Kahinumduman nga ang Super Typhoon Yolanda nakapahinabo og matinding storm surge o dagkong balod sa Visayas, nga maoy usa sa mga hinungdan sa pagkamatay sa daghang mga residente.
Sumala pa ni Engr. Galang, posible usab nga magdala og kusog nga storm surge ug grabe nga pag-ulan ang bagyong Uwan, busa mas maayo nga paunahon ang pagbakwit sa mga residente, ilabi na kadtong nagpuyo sa mga dapit sa baybayon (coastal areas).
