Padayon nga nagakusog ang Bagyong Uwan samtang nagalihok kini padulong sa Bicol Region.
Ulahing nasiplatan ang sentro sa mata sa bagyo nga anaa sa 380 kilometro sidlakan nga bahin sa Virac, Catanduanes kaganihang kaadlawon nga adunay labing makusog nga hangin nga 155 km/h duol sa sentro ug paghaguros nga moabot sa 190 km/h.
Nagalihok kini pa-kasadpang-amihanang kasadpan (west-northwest) sa gikusgon nga 35 km/h.
Sumala pa sa sa State weather bureau nga hangtod 800 kilometros gikan sa sentro ang maapektuhan sa bagyo. Samtang gipailawom na sa Tropical Cyclone Wind Signals ang pipila ka mga lugar.
Signal No. 4 ang probinsya sa Catanduanes,
Signal No. 3 ang Aurora, amihanan ug sidlakang bahin sa Quezon lakip ang Polillo Islands, Camarines Norte, Camarines Sur, Albay, amihanan ug sidlakang bahin sa Sorsogon, ug sidlakang bahin sa Northern Samar.
Signal No. 2 ang mainland Cagayan, Isabela, Quirino, Nueva Vizcaya, Cordillera provinces, Ilocos Region, Central Luzon, Metro Manila, CALABARZON, Marinduque, bahin sa Mindoro, Romblon, Masbate, ug pipila ka bahin sa Samar, Eastern Samar, Biliran.
Signal No. 1 ang Batanes, Babuyan Islands, Occidental Mindoro, Calamian ug Cuyo Islands, nahibilin nga bahin sa Samar, Eastern Samar, Biliran, Leyte, Southern Leyte, Bohol, Cebu, Negros, Guimaras, Iloilo, Capiz, Aklan, Antique, Dinagat Islands, Surigao del Norte, amihanang bahin sa Agusan del Norte, ug amihanang bahin sa Surigao del Sur.
Samtang gipaguwa usab ang Storm Surge Warning #06 alas 2:00 kaganihang kaadlawon nga adunay taas nga peligro sa kinabuhi sulod sa 48 ka oras.
Posible nga adunay pagtaas sa tubig-dagat ug dagkong balod nga makaapekto sa mga mubo’ng daplin sa baybayon kon (low-lying coastal areas).
Gibanabanaan nga adunay katas-on sa storm surge nga kapin sa tres metros. Apektado niini ang kabaybayunan sa Albay, Aurora, Cagayan, Camarines Norte, Camarines Sur, Catanduanes, Isabela, La Union, Pangasinan, Quezon, Sorsogon.
Samtang gibanabanaan usab kataas sa storm surge nga moabot sa 2.1–3 metros sa Cagayan, Camarines Sur, Ilocos Sur, Northern Samar, Pangasinan, Quezon, Zambales.
Samtang gibanabanaan nga adunay katas-on sa storm surge nga moabot sa 1–2 metros sa mga baybayon sa Bataan, Bulacan, Cagayan, Cavite, Eastern Samar, Ilocos Norte, Metro Manila, Pampanga, Dinagat Islands, Surigao del Norte, Batangas.
Samtang gipahimangnuan karon ug gina-awhag ang mga residente sa mga baybayon nga magbakwit dayon ug magmatngon sa mga pahibalo sa LGU ug sa hingtungdang ahensya, tungod kay posible nga magdala si Bagyong Uwan og kusog nga ulan, hangin, ug makamatay nga storm surge.
