Gikabalak-an nga magdala og halapad nga pagbaha sa Amihanang Luzon (Northern Luzon) tungod sa kusog nga pag-ulan nga mahimong resulta sa bagyong Uwan, inig duol na niini sa kayutaan sa nasud.
Sumala ni Romeo Ganal Jr., hepe sa PAGASA Northern Luzon, posible nga magbundak og daghang ulan ang maong bagyo sa mga kabukiran sa Cordillera Administrative Region ug Cagayan Valley.
Tungod niini, gibutyag sa nahisgutan nga ang tubig gikan sa kabukiran mahimong muagos ngadto sa mga komunidad sa duha ka rehiyon, nga mahimong hinungdan sa pag-awas sa tubig o pagbaha.
Base sa pagbana-bana sa weather bureau, posibleng mabundak ang kapin sa 200 millimeters (mm) nga ulan sa Amihanang Luzon, apan posible usab nga mutaas kini hangtod 300 mm hangtod 400 mm.
Tungod niini, girekomenda nga sayo pa lang maghikling na ang mga residente, ilabi na kadtong perming mabahaan.
Dugang pa ni Ganal, taas usab ang hulga sa storm surge sa eastern seaboard, nga delikado kaayo alang sa mga mananagat og nagabyahe sa kadagatan.
Posible usab nga aboton niini ang Ilocos Region, bisan pa nga kini anaa na sa northwestern seaboard sa nasud.
