Sementeryo sa Kalinga, ginadayo tungod sa desinyo sa Nitso

Usa sa mga paboritong ginabisitahan sa panahon sa kalag-kalag mao ang Nambaran Cemetery sa lungsod sa Tabuk,Kalinga tungod sa lain-laing disenyo sa mga nitso sama sa helicopter, sakyanan, langgam, sapatos, balay, ug uban pa.

Ang matag nitso adunay kaugalingong istorya kabahin sa pangandoy, hilig, ug hinungdan sa pagpanaw sa namatay.

Sa gihimong paghinabi sa Bombo Radyo sa Tabuk City Tourism Office kung accredited na ba ang sementeryo ingon man tourism attraction o site.

Gikabutyag nga adunay sugyot, apan kinahanglan una matuman ang mga kinahanglanon sama sa security fence, suga, CR, manpower, ug uban pa.

Nasayran nga ang matag disenyo ang nagrepresenta sa pagkatao, panginabuhi, o pangandoy sa kinabuhi sa mipanaw.