Subling gilimod nila Senador Joel Villanueva ug Jinggoy Estrada ang pagkadawit nila sa sumala pa korapsyon sa mga flood control projects.
Kini human sa rekomendasyon sa Independent Commission for Infrastructure (ICI) ngadto sa Office of the Ombudsman (OMB) nga pasakahan og kaso ang duha ka senador sa plunder, bribery, ug ubang reklamo sa korapsyon, tungod sa pagdawat sa benepisyo gikan sa mga anomalosong proyekto.
Gibutyag ni Villanueva nga makita sa mga rekord sa Senado nga supak na siya sa mga flood control projects sukad pa sa sinugdanan.
Sumala pa niini, siya mismo ang nagbulgar ug nagpangutana kabahin sa mga proyekto nga hangtod karon wala pa napatuman.
Dugang pa, gibutyag sa senador nga usa ra ang testimonya ni kanhing DPWH District Engineer Henry Alcantara, ug wala siya’y kalambigitan sa mga flood control projects.
Bisan pa niana, gikanayon ni Villanueva nga huwaton niya ang aksyon sa Ombudsman ug mag-submit og pormal nga tubag sa husto nga panahon aron mapamatud-an ang iyang pagkawalay-sala.
Samtang, gikanayon usab ni Estrada nga wala siyay nadawat nga bisan unsang pondo alang sa mga flood control projects.
Gisiguro niini nga andam na siya nga dipensahan ang iyang kaugalingon ug moagi sa bisan unsang proseso sa balaod aron mapamatud-an nga nagsulti siya sa tinuod ug nagpabilin nga matinud-anon sa iyang katungdanan isip public servant.
Gihatagan og pagtagad ni Estrada nga hinluan niya ang iyang pangalan ug buo ang iyang pagsalig sa husto nga panahon, mopatigbabaw sumala pa ang kamatuoran.
