Nagkahiusa sila King Charles ug Queen Camilla kang Pope Leo XIV sa pag-ampo sa Sistine Chapel sa Vatican City.
Si King Charles mao ang unang head sa Church of England nga nag-ampo sa atubangan sa publiko uban sa Santo Papa.
Gilantaw kini nga simbolo sa panaghiusa ug kasaysayan, human sa dul-an 500 ka tuig sukad sa panagbulag sa Simbahan sa Inglatera gikan sa Roma.
Sa wala pa magsugod ang prayer service, naka-adto una og private audience ang Hari ug Reyna uban sa Santo Papa.
Nagkambyuhay usab sila og mga regalo aron ilhon ang maong makasaysayanong okasyon.
Gihatag ni King Charles sa Santo Papa ang usa ka dakong silver photograph ug usa ka icon ni St. Edward the Confessor, ang Anglo-Saxon nga hari sa Inglatera nga nailhan isip “man of great prayer.”
Isip balos, gihatagan sa Santo Papa ang Hari og scale version sa mosaic nga “Christ Pantocrator” gikan sa usa ka cathedral sa Sicily, nga gihimo sa Vatican.
Karon, anaa sa Vatican sila King Charles ug Queen Camilla isip kabahin sa ilahang opisyal nga state visit.
