Napili isip bag-ong Prime Minister sa Japan si Sanae Takaichi.Ang 64-anyos nga si Takaichi mao ang unang babaye nga nahimong Prime Minister sa Japan sukad sa kasaysayan niini.
Nakadawat siya og 237 ka mga boto gikan sa powerful Lower House ug 125 ka boto sa Upper House isip lider sa ruling Liberal Democratic Party (LDP).
Siya usab ang ika-upat nga Prime Minister nga napili sulod sa lima ka tuig, tungod kay ang iyang mga gisundan sayo nga natapos ang termino tungod sa mga isyu sa ubos nga approval ratings ug mga eskandalo nga ilang giatubang.
Sa Karon, nag-atubang si Takaichi og dakong hagit sa ekonomiya sa Japan, ug labaw pa sa relasyon sa ubang nasud sama sa South Korea ug China.
Kaniadto, naghupot na siya og daghang ministerial roles ubos sa administrasyon sa kanhing Prime Minister Shinzo Abe.
Gilauman usab nga magpili siya og bag-ong mga miyembro sa gabinete sa umaabot nga mga adlaw.
