Pagatun-an sa Armed Forces of the Philippines (AFP) ang matag-bulan nga pensyon sa mga retiradong opisyal, taliwala sa mga report nga adunay pipila ka retirees nga nanawagan sa militar nga bawi-on ang ilang suporta kang Presidente Ferdinand Marcos Jr.
Sa usa ka press conference kagahapong adlawa, gipangutana si AFP spokesperson Col. Francel Margareth Padilla kung posible bang mawala ang pensyon sa mga retiradong opisyal nga nalambigit sa maong panawagan.
Tubag ni Padilla, Kung ang legal nga proseso mopakita nga angay kini, sundon sundon sumala pa nila.
Dugang pa sa AFP official, ang mga pamahayag nga nag-awhag og sedisyon ug pagpakatag og bakak nga impormasyon adunay kalabutan sa legal nga silot.
Gipaklaro usab sa opisyal nga dili pasagdan ang unsa man nga pahayag sa mga sundalo nga karon usa na ka retirado nga makadaot sa nasud.
Samtang, gibutyag usab ni Philippine Navy Rear Admiral Roy Vincent Trinidad nga ang labing taas nga ranggo sa retiradong opisyal nga ilang namonitor nga nagpakalat og fake news mao ang usa ka two-star general nga nagadawatan og P160,000 matag bulan nga pensyon.
Matud niya, gitan-aw usab sa mga legal officers sa AFP ang posibilidad nga adunay tulubagon kung nagadawat og pensyon gikan sa gobyerno tungod sa mga dili maayu niining binuhatan.
Kahinumduman nga kaniadto, gikumpirma ni AFP Chief-of-Staff Gen. Romeo Brawner Jr. nga adunay pipila ka retiradong opisyal sa militar ang nanawagan sa pagbawi sa suporta sa Presidente, tungod sa mga isyu sa anomaliya sa mga flood control projects, apan gisupak kini ni Gen. Brawner ug wala kini napadayon.
