Nagbutang na ang International Criminal Court (ICC) Pre-Trial Chamber I ug mga medical expert nga mulantaw sa kondisyon ug katakus ni kanhi Pangulong Rodrigo Duterte nga musalmot sa mga pagdungog sa gi-akusa sa iyaha nga adunay kalabutan sa crimes against humanity.
Gimando sa ICC ang pagbutang ug multidisciplinary panel nga gimugna sa mga eksperto sa forensic psychiatry, neuropsychology, ug behavioural neurology aron masayran kung adunay gibati ang kanhi pangulo nga mahimong makaapekto sa iyahang pagsabot ug pagsalmot sa proseso sa pagtaral.
Samtang gipahayag usab sa counsel ni Duterte nga si Nicholas Kaufman, nakasinati ang kanhi pangulo ug cognitive deficiencies ug naglisod nga sayron ang mga panghitabo, lugar, lakip na ang pipila ka miyembro sa iyahang pamilya.
Apan matod pa sa ICC nga mahimong likayan kini ni Duterte ang pagtaral gumikan sa kanhi niini paghulga sa mga testigo ug padayong impluwensya sa iyahang pamilya sa nasud.
