Opisyal nang gideklara sa state weather bureau ang pagtapos sa Habagat season o southwest monsoon sa nasud.
Kini kasagarang nakaapekto sa rehiyon sa western Luzon ug Visayas.
Ang buot ipasabot niini, nahuman na ang panahon sa ting-ulan sa maong mga lugar, ug gilauman nga magsugod na ang Amihan o northeast monsoon sa mga umaabot nga semana.
Bisan paman niana, adunay gitawag nga monsoon break nga moabot, ug gilauman nga kusog ang epekto sa easterlies.
Ang Habagat kasagarang nagdala og kusog nga mga ulan, ilabi na sa kasadpang bahin sa nasud, gikan Hunyo hangtod Setyembre.
Sa pagtapos niini, gilauman nga mobugnaw ang hangin, moubos ang kadaghanon sa pag-ulan, ug mohinay ang temperatura, ilabi na sa amihanang bahin sa Luzon, nga mga ilhanan sa pagsugod sa Amihan.
Sumala sa ahensya, ang pagbalhin sa panahon adunay epekto sa agrikultura, panglawas, ug kahimtang sa pagpangandam sa mga posibleng bagyo nga mosulod sa ulahing bahin sa tuig.
Ang Amihan gilauman nga molungtad hangtod sa unang bahin sa 2026, ug kasagarang magdala og bugnaw ug uga nga hangin gikan sa Siberia ug China padulong sa Pilipinas.
