Bisan paman sa halapad nga lihok protesta sa Edsa Shrine ug Luneta Park, gipahayag ni Department of Public Works and Highways (DPWH) Sec. Vince Dizon ang kamando-an ni Pangulong Ferdinand Marcos jr. nga hutdon ug patubagon ang tanang nalambigit sa korapsyon sa nasud.
Nag-ugat ang mga protesta sa isyu sa anomalyang substandard flood control projects nga gikalambigitan kuno sa mga korap nga DPWH officials, mga contractor lakip na ang mga magbabalaod.
Dugang pa niini, dili mohunong ang ahensya hangtod dili matuman ang direktiba sa pangulo sa korapsyon nga adunay kalabutan sa mga flood control project.
Kahinumduman, gimugna ni pangulong Marcos ang Independent Commission for Infrastructure (ICI) alang sa halawom nga imbestigasyon sa mga anomalya sa flood control ug uban pang infrastructure projects aron pakigbatukan ang korapsyon.
