-- ADVERTISEMENT --
Mobalik na usab sa hugot nga training ang Filipina tennis sensation nga si Alex Eala isip pagpangandam sa umaabot niyang partisipasyon sa WTA 125 Jingshan Open sa China.
Human sa iyang malampusong kampanya sa Guadalajara 125 Open diin nakabutang siya og importante nga kadaogan nga nakahatag kaniya og dugang kumpiyansa, mipahulay una si Eala ug miuli sa Metro Manila aron makig-uban sa iyang pamilya.
Apan dili madugay, mibalik dayon siya sa pagbansay aron masiguro nga andam ang iyang porma ug kondisyon alang sa mas bug-at nga kompetisyon.
Ang Jingshan Open usa sa mga prestihiyoso nga torneo sa WTA 125 circuit, nga naghatag og higayon sa mga player sa pagtipon og puntos ug pagsaka sa mas taas nga ranggo sa kalibutanhong tennis.
