Gibalhin na sa Pasay City Jail kagabii si kanhing Department of Public Works and Highways (DPWH) Bulacan Assistant District Engineer Brice Hernandez.
Kini human sa mando sa Senado nga ibalhin si Hernandez gikan sa Philippine National Police (PNP) Custodial Center sa Camp Crame.
Nahitabo ang pagbalhin kang Hernandez pasado alas 8:00 sa kagabii, diin kini gibantayan pag-ayo sa Senate Sergeant-at-Arms, Bureau of Jail Management and Penology (BJMP), ug Police Security and Protection Group (PSPG).
Gibutayg sa iyang abogado nga si Atty. Ernest Levanza nga klaro ang motibo sa pagbalhin ni Hernandez sa Pasay City Jail nga usa ka paagi sa pagpanimalos.
Kahinumduman nga gi-contempt si Hernandez ug gimandoan sa Senado nga mabilanggo tungod sa gituohang pagpamakak sa Senate Blue Ribbon Committee nga nag-imbestiga sa mga kuwestiyonableng flood control projects.
