CPNP Torre, uyon sa pagpaubos sa edad sa mga batan-on nga makabuhat og krimen alang sa criminal liability

Suportado ni PNP Chief PGen. Nicolas Torre III ang pagpasa og balaod nga mag-ubos sa edad sa criminal liability basta adunay klarong scientific basis.

Matod sa hepe, magpasa ang PNP og pormal nga written paper aron ipaabot sa Kongreso ang ilang opisyal nga posisyon.

Gipasabot ni Torre nga kinahanglan nga basihan sa siyensya ug mga pagtuon ang tanang desisyon, ilabi na tungod kay mas taas na karon ang access sa mga kabataan sa klase-klaseng impormasyon.

Gidugang pa niya nga ang mga ebidensya gikan sa scientific studies ug ang kasamtangang Republic Act 9344 o Juvenile Justice and Welfare Act dapat sab nga hatagan og konsiderasyon sa diskusyon.