Dako ang pagtuo ni Acting Mayor Sebastian “Baste” Duterte nga walay planong kasuhan ni Pres. Ferdinand Marcos, Jr. ang mga kontraktor.
Gani, gikwestiyon sab niini ang tinuod nga intensiyon sa pagpaguwa sa pangulo og listahan sa mga kontraktor nga nalambigit sa anomaliya sa flood control projects nga nakadawat og dakong bahin sa pondo sa gobyerno.
Dugang pa sa mayor nga og tinuod matud pa nga duna gayod gikuptan nga ebidensiya ang pangulo, hagbay ra matud pa niini nga gipasakahan og kaso ang mga kompanya ug personalidad nga giapil sa listahan.
Gumikan niini, daw buot lamang nga padugayon sa administrasyon ang maong siyu aron ipakita sa publiko nga dunay aksiyon.
Dugang pa niini nga ang gibuhat sa presidente nagpakita lamang nga adunay problema sa paggamit sa pondo sa flood control projects, apan daw pamaagi lamang matud pa kini sa administrasyon aron kontrolon ug hinabion ang mga oligarko.
