Gipangutana ni Senador Raffy Tulfo si Senador Robinhood Padilla kung aduna ba kini gihimong pagtuon aron masuta kung ang edad nga 10 anyos ang angay nga ipanagot sa krimen.
Nahitabo ang pagpangutana atol sa deliberasyon sa Senado kabahin sa panukalang pag-ubos sa minimum age of criminal responsibility.
Giingon ni Tulfo nga importante nga adunay klaro ug siyentipikong basehan ang maong proposal, ilabi na tungod kay sensitibo ug dako kini’g epekto sa kabataan.
Samtang, gisuportahan sab ni Tulfo ang proposal nga ipamenos ang edad sa criminal responsibility alang sa mga menor de edad nga nalambigit sa mga heinous crimes.
Tumong sa maong lakang mao ang mapauswag ang kahimtang sa kalinaw ug kahapsay sa nasud, ilabi na nga daghang menor de edad ang nalambigit sa mga krimen, lakip na ang pagbuhat og grabe nga kalapasan.
Gisalmotan kini nga inisyatibo sa pribilehiyong pamulong ni Senador Robinhood Padilla.
