Nagpaguwa og resolusyon ang Davao City Council kagahapong adlawa human sa gibuhiang ‘jetski joke’ sa komedyanteng si Vice Ganda atol sa unang gabie sa concert niini.
Atol sa sesyon kagahapon sa mga konsehal ning dakbayan, sa nahimong privelege speech ni Konsehal Danilo Dayanghirang, gibutyag niini nga dili angay bugal-bugalan ang usa ka indibidwal nga nangalagad sa mga katawhan kaniadto.
Kahinumdumang gihisgutan ni Vice Ganda si kanhing Pang. Rodrigo Duterte kauban si Regine Velasquez mahitungod sa West Philippine Sea, ingon man ang kahimtang sa kanhi presidente Rodrigo Duterte didto sa The Hague, Netherlands.
Sa gipirmahang resolusyon, unanimous decision ang nahimong resulta o sagad sa mga konsehal nga anaa sa maong session ang miuyon sa pagkondena sa binuhatan sa komedyante.
Sa pikas bahin, human sa viral joke sa maong komedyante, nanawagan ang mga netizens nga i-persona non grata si Vice Ganda, apan gatuo ang mga konsehal nga parehas lamang ang gibug-aton sa maong lakang.
