Gipadayag ni Palace Press Officer ug PCO Undersecretary Claire Castro nga dili supakon sa Malacañang, lakip na ni Presidente Ferdinand Marcos Jr., ang pagduso sa Constitutional Convention kon kini makatabang sa pagpaayo ug pagpalinghod sa mga probisyon sa Batakang Balaod aron dili na kini mabutangan ug lungag o kahuyang.
Sa laing bahin, mituo si House Deputy Speaker Ronaldo Puno nga panahon na aron usbon matud pa ang mga makalilibog nga probisyon sa 1987 Constitution, ilabi na ang pulong nga “forthwith” nga gigamit sa impeachment proceedings.
Matod pa ni Puno, nga mas klaro ug mas epektibo ang proseso kon magtakda na ug hustong panahon alang sa paggamit sa maong pulong.
Giingon niya nga pinaagi sa Constitutional Convention, mas mapadali ang pagpatuman sa gikinahanglan nga legislative reforms alang sa mas klaro ug lig-on nga detalye sa Batakang balaod.
