Gibatikos ni Cardinal Pablo Virgilio David sa Diocese sa Kalookan ang grabe nga kurapsyon sa nasud nga iyang gituohang nagpasamot sa mga kasamtangang pagbaha sa Pilipinas.
Matod sa kanhi presidente sa Catholic Bishops’ Conference of the Philippines (CBCP), dili lamang ang klima o ulan ang angay basolon sa halapad nga pagbaha, kondili ang padayon nga kurapsyon sa gobyerno, ilabi na sa pagpatuman sa mga imprastruktura nga proyekto.
Gibutyag ni Cardinal David nga ang mga opisyal sa gobyerno angay mututok sa findings sa Commission on Audit (COA) aron masuta kung giunsa paggasto ang pondo sa mga proyekto, ilabi na kadtong adunay kalabotan sa flood control ug drainage systems.
Naghimo og pahayag ang cardinal human sa mga insidente sa pagbaha nga mitabok sa Metro Manila, diin nalunupan ang pipila ka mga simbahan sa Malabon ug Navotas tungod sa tubig baha.
Gi-awhag niini ang mga opisyal sa gobyerno nga mas pasayon ug limpyo nga pagdumala sa pondo ang buhaton, kay ang katawhan ang kanunay nga nag-antus sa resulta sa ilahang kapakyasan.
