Nakaplagan sa Philippine Coast Guard (PCG) sa gipahigayong search and retrieval operation ang pipila pa ka sako sa Taal Lake, Batangas.
Kagahapong adlawa, nagsugod ang search and retrieval operation sa mga patayng lawas sa mga nangawala nga sabungero nga giingong gilabay sa Taal Lake sulod sa upat ka tuig sugod niadtong 2021.
Wala pa makahatag ang PCG sa eksaktong gidaghanon sa mga sako nga gidudahang adunay sulod nga bukog sa tawo nga nakit-an sa linaw.
Gipadayag ni Justice Assistant Secretary Mico Clavano nga posibleng dili mga bukog sa tawo ang nakaplagan atol sa unang retrieval operation sa Taal lake. Siya miingon nga wala pa’y kasiguraduhan kung unsay sulod sa nakuhang sako gikan sa mga divers sa Philippine Coast Guard.
Mitataw si Calavano nga gilikayan nila nga maglaum ilabe na nga nagpadayon pa ang search ug retrieval operations.
Mahinumduman nga unang nahabwa ang nahisgutang sako 10 metro gikan sa pampang sa lugar sa Laurel, Batangas, kagahapon.
Gitumbok ang maong lokasyon subay sa pamahayag sa whistleblower. Ang mga bukog ipailawom pa forensic examination ug DNA testing aron matino kung buto ba kini sa tawo ug kung tugma sa mga nawawala.
