-- ADVERTISEMENT --
Mibalibad ang Malacañang nga maghatag og komento kabahin sa giingong kataposang panugon o “last wish” ni kanhing Pangulong Rodrigo Duterte.
Kahinumduman nga gibutyag ni VP Sara Duterte nga gusto sa iyang amahan nga ipa-cremate siya kung asa man siya mamatay, ug ang iyang abo nalang ang ipapauli sa Pilipinas.
Matod ni Palace Press Officer USec. Claire Castro, ang maong pahayag kay usa ka isyu nga personal ug pangpamilya.
Gibutyag ni Castro nga desisyon kini sa pamilyang Duterte kung unsay ilang buhaton.
Una nang gikanayon usab ni Elizabeth Zimmerman, kanhing asawa ni Duterte, nga halos bukog ug panit nalang ang kanhing Pangulo.
-- ADVERTISEMENT --
Sumala pa ni Zimmerman, bisan og maayo pa ang kahimtang sa panglawas, dako gayud ang nikunhod sa lawas ni Duterte.
