Patay nang nakaplagan ang usa ka estudyanteng babaye sulod sa ilang kwarto sa Purok 3-A, La Filipina, Tagum City, Davao del Norte.
Sa inisyal nga imbestigasyon, gisulod sa mga suspetsado ang balay sa biktima ug gitangag ang personal nga mga gamit sama sa gadget ug ubang kabtangan.
Gikumpirma sa Tagum City Police Office ang insidente, nga karon gilantawan na.
Giila ang biktima nga si Sophia Marie G. Coquilla, kanhing estudyante sa La Filipina National High School, nga giingong gipatay atol sa pagpangawat.
Nagpagula sab og opisyal nga pahayag ang Supreme Secondary Learner Government sa La Filipina NHS, diin ilang gipadayag ang kasubo ug kapungot sa sayong pagkamatay ni Sophia.
Gisaysay sa pamahayag nga si Sophia dili lang usa ka kanhing estudyante, apan usa ka pinalangga nga miyembro sa ilang komunidad nga nailhan sa iyang kaayo ug potensyal.
Nanawagan usab sila sa mga otoridad nga paspasan imbestigasyon arun makab-ot hustisya.
Gikuha na sa punerarya ang patay’ng lawas sa biktima, ug base sa pinakabag-ong update, anaa na kini karon sa punerarya para sa proseso sa balsama.
Sa laing bahin, nagpadayon usab ang imbestigasyon sa kapulisan sa serye sa pagpangawat nga gilambigit sa pipila ka menor de edad.
Matud sa kapulisan, ang kawad-on ug kakulang sa giya sa ginikanan mao’y gilangay nga hinungdan sa ilang pagkasangkot sa kalapasan.
Gipahimangnoan usab ang publiko sa importansya sa pagmatngon ug paggiyahan sa kabataan aron malikayan ang ilang pagsulod sa mga kalapasan sa balaod.
