-- ADVERTISEMENT --
Andam ang Malacañang sa pagsuporta sa panukalang balaod nga magtumong sa pag-regulate sa paggamit sa internet sa mga kabatan-onan.
Kini nga pahayag misunod human sa pagpasaka ni Senador Ping Lacson og balaodnon nga nagtinguha nga hugtan ang internet access sa mga menor de edad, tungod sa posibleng epekto niini sa mental health, base sa daghang pagtuon.
Sumala ni Palace Press Officer Claire Castro, bisan unsang lakang nga makapaayo sa kahimtang sa publiko, labi na sa mga kabatan-onan, posibleng dawaton sa administrasyon.
Kung mapamatud-an nga ang balaodnon makatabang sa mental well-being sa kabatan-onan, gilauman nga makakuha kini og suporta gikan mismo sa Pangulo.
