Mibusikad ang usa ka fireworks facility sa Esparto, Yolo County, California nga na-video-han niadtong Martes.
Sa video, makita ang baga nga aso nga misaka hangtod sa kawanangan ug nakita usab sa ubang bahin sa siyudad nga duol sa Sacramento.
Gawas sa una nga pagbusikad, daghang fireworks usab ang mibuto sa kahanginan, subay sa mga video footage.
Kini miresulta sa dakong sunog nga hinungdan sa pagpagula og mandatory evacuation orders alang sa mga kasikbit nga residente.
Gisiguro sa mga otoridad nga ang CalFire’s arson bomb unit karon ang nag-imbestigar sa hinungdan sa pagbusikad.
Gigamit usab ang mga drone sa mga awtoridad aron masusi ang kadak-on sa kadaot nga nahimo sa maong insidente.
Sa pagkakaron, wala pa’y kumpirmadong report kung adunay nasamdan o namatay sa nahitabong pagbuto.
