Gibutyag sa state weather bureau nga ginalauman nga adunay duha hangtod tulo ka bagyo nga mamugna karong bulan sa Hulyo.
Sumala ni weather specialist Obed Badrina, kasagaran usa ra ang mamugna nga bagyo sa Hulyo matag tuig, ug kini ang labing taas nga ihap.
Samtang ang average nga gidaghanon sa mga bagyo nga mamugna o mosulod sa nasud panahon sa Hulyo kay tulo.
Matod pa niini, nga ang mga bagyo sa Hulyo kasagaran mosubay sa bahin sa Luzon o mag-recurve kini palayo sa amihanang-sidlakang bahin sa nasud.
Samtang, gibantayan pag-ayo sa buhatan ang low pressure area (LPA) nga naa sa sulod sa Philippine Area of Responsibility (PAR) nga posible mosubay sa kasagarang agianan sa mga tropical cyclone.
Subay sa gipagawas nga 24-hour tropical cyclone formation outlook ganihang alas-2:00 sa hapon, namatikdan ang LPA sa gikusgon nga 350 km sa sidlakan sa Casiguran, Aurora.
Sumala usab sa weather bureau, adunay sakto lamang nga posibilidad nga mamugna kini nga usa ka tropical depression sulod sa musunod nga 24 ka oras.
Samtang, aduna pay laing LPA nga namonitor sa gawas sa PAR, diin adunay taas kini nga posibilidad nga mamugna nga bagyo sulod sa musunod nga 24 ka oras.
