Gipahibalo sa International Criminal Court (ICC) nga “weighing of circumstances” ang basihan kon tugotan ba niini ang interim release o temporaryong kagawasan ni kanhi Presidente Rodrigo Duterte.
Subay sa pamahayag ni Atty. Kristina Conti, Assistant to Counsel sa ICC ug abogado sa mga biktima sa war on drugs nga dili madali-dali ang paghatag og release.
Sumala pa sa abogagada nga tukion sa hukmanan ang tanang detalye, gikan sa kahimtang sa panglawas ni Duterte hangtod sa mga posibilidad nga siya mouli sa Pilipinas ug motuman sa tanang kondisyon.
Ang “weighing” nagpasabot nga timbang-timbangon ang risks ug benefits sa paggawas, usa ka proseso nga gibuhat aron masiguro nga walay makalapas sa hustisya.
Nagpahinumdom usab ni Atty. Conti nga aduna na’y pipila ka mga napriso sa ICC nga nakagawas sa prisohan pinaagi sa interim release.
Kini nga mga kaso mahimong timaan nga posible usab mahatagan og higayon ang kampo ni Duterte kung makasunod sila sa gikinahanglan nga kasabutan sa prosekusyon, sama sa regular nga pag-report sa korte ug pagsiguro nga magpabilin siya sa lugar nga gisabutan.
Makit-an sumala pa sa ICC ang docket nga giila ang kahimtang sa matag piniriso. Gihingusgan usab niini nga dili lamang usa ka ilado si Duterte, apan labihan pang susihon ang epekto sa iyahang posibleng paggawas sa mga biktima ug sa publiko.
Samtang sigurohon sa korte nga ang interim release dili makapugos sa pagdumili sa kaso o makahatag og kadaut sa integridad sa proseso sa hukmanan.
Sa sunod nga mga semana, masubay ang pag-apruba o pagdumili sa request.
