Nangandam na ang Oklahoma City para sa ilang victory parade human sa ilang pag kampeon isip 2025 NBA Champions ang Oklahoma City Thunder.
Matod ni Oklahoma City Mayor David Holt, pagahimoon ang parada karong Hunyo 25 ug magsugod kini sa Midtown paingon sa Paycom Center ug Scissortail Park.
Gilauman sa mayor nga moabot og tunga sa milyon ka mga Thunder fans ang motambong sa parada.
Gidapit usab sa mayor ang mga fans sa Thunder nga naggikan sa lain-laing parte sa US.
Gisiguro ni Holt nga magbutang sila og daghang kapulisan aron magbantay sa seguridad sa tanang motambong sa parada.
Sa wala pa ang parada, magkatigom una ang team sa Paycom Center alang sa usa ka programa.
Kahinumduman nga napildi sa Thunder ang Indiana Pacers sa Game 7 sa NBA Finals sa score nga 103-91.
