Pipila ka mga flights sa Indonesia kanselado tungod sa pagbuto sa bulkan

Ubay-ubay nga flights sa Bali, Indonesia ang nakanselar gumikan sa pag-alburuto sa bulkang Lewotobi Laki-Laki. Nagbuga ug abo ang bulkan nga adunay gitas-ong 11 kilometros.

Gumikan niini, gipataas ang alerto ug gibalhin ang mga residente sa 7 kilometer radius gikan sa crater sa bulkan.

Mukabat sa 37 ka mga flights ang nakansela gumikan sa pag-alburuto sa bulkan, samtang walay gikatalang nasamdan o namatay sa panghitabo.

Kahinumduman nga niadtong bulan sa Nobyembre sa nakalabay nga tuig, mibusikad usab ang bulkan nga gikamatay sa siyam ka tawo.