Gipasakahan na og kaso ang usa ka batan-on sa pagsupak sa RA 9165 sa piskalya human nga nakuhaan og iligal nga droga kon shabu atol sa gikasa nga drug buybust operation.
Giila ang dinakpan nga si alyas “Ren” 20-anyos, walay trabahao,nga taga Butuan City. Nasayran nga ang kauban niini nga si alyas “Agar” ang nakasibat atol sa nasampit nga operasyon.
Nadakpan ang nahisgutan sa mga operatiba sa San Isidro Municipal Police Station atol sa gilusad nga drug buybust operation sa Purok Bituin, Marikit, Brgy. Baon, San Isidro Davao Oriental pasado alas sa gabii niadtong petsa Siete.
Atol sa operasyon nakumpiska ang mga dagkong pakete sa iligal nga droga kon shabu nga mitimbang og 200 gramos nga adunay street value nga P1,3 milyon.
Samtang narekober usab sa dinakpan ang buybust money og sakyanan nga Expander nga gigamit sa transaksyon.
Sa pagkakaron ang dinakpan ang anaa na sa kostudiya sa mga kapulisan samtang ang nakasibat nga si “Agar” padayon nga ginapangita sa mga operatiba.
