Minimum buying price sa palay, ipahamtang sa mga traders sa dili pa matapos ang kasamtangan nga tuig

Tumong karon sa Department of Agriculture (DA) nga mupatuman ug minimum buying price sa palay sa rice traders o middleman.

Plano kining ipatuman sa ahensya sa dili pa matapos ang tuig 2025.

Tumong niini maseguro nga mabaligya sa mga lokal nga mag-uuma ang ilahang palay sa patas nga presyo.

Niadtong nakalabay nga bulan, gipahayag ni DA Secretary Francisco Tiu Laurel Jr. nga giimbistigahan nila ang mga trader sa 32 ka mga lugar sa Luzon gumikan sa pagpalit nila ug palay sa mga lokal nga mag-uuma sa ubos nga presyo.