Padayon gihapon ang kusog nga mga pag-ulan sa kadaghanang bahin sa Mindanao tungod sa Intertropical Convergence Zone.
Sumala sa state weather bureau, gilauman gihapon karong adlawa ang kusog nga pag-ulan sa mga lugar sa Zamboanga del Norte, Zamboanga del Sur, Zamboanga Sibugay, Misamis Occidental, Lanao del Norte, Lanao del Sur, Maguindanao del Norte, Maguindanao del Sur, Basilan, Tawi-Tawi, Cotabato, South Cotabato, Sultan Kudarat, Sarangani, Davao del Norte, Davao del Sur, Davao de Oro, Davao Oriental, ug Davao Occidental tungod sa maong sistema sa panahon.
Karong adlawa, gilauman gihapon ang mga pag-ulan sa Zamboanga del Norte, Zamboanga del Sur, Zamboanga Sibugay, Lanao del Norte, Lanao del Sur, Maguindanao del Norte, Maguindanao del Sur, Basilan, Sulu, South Cotabato, Sultan Kudarat, Sarangani, ug Davao Occidental tungod sa samang weather disturbance.
Daghang lugar sa Mindanao ang nahumol sa baha, apan nagpahimangno na usab ang state weather bureau nga posible pa ang mga pag-ulan hangtod karong umaabot nga weekend. Busa gipasidan-an gihapon ang katawhan nga magbantay batok sa posibleng pagbaha ug pagdahili sa yuta sa mga lugar nga delikado niini.
Gipapahawa na usab sa ahensya ang mga residente nga nagpuyo duol sa mga suba tungod sa posibilidad sa pagtaas sa tubig nga dala sa grabeng pag-ulan.
Samtang, masinatian usab ang kainit panahon sa ubang mga lugar sa nasud, samtang magdala usab ang easterlies og medyo madag-umon nga panahon sa nahibilin nga mga bahin sa nasud sa hapon o gabii.
