Mokabat sa P150,000 ang kantidad sa iligal nga droga kon shabu ang nakumpiska sa mga kapulisan atol sa gilusad nga drug buybust operation pasado alas 4;00 sa hapon.
Subay sa report gikan sa mga otoridad, giila ang dinakpan nga si alyas Cabs hamtong ang panuigon nga residente sa Maa ning dakbayan sa Davao. Gilusad ang operasyon sa Purok 17, Datu Luho, Maa ning syudad sa Davao. Atol sa operasyon, nakumpiska sa dinakpan ang unom ka mga pakete sa iligal nga droga kon shabu.
Nasayran nga anaa sa ika-upat sa listahan sa tigpayuhot ug iligal nga droga ang dinakpan.Nakumpiska usab ang mga drug paraphernalia ug buybust money.
Sa karon ang dinakpan ang anaa na sa kostudiya sa Maa Police Station ug gikatakda kining pasakahan og kaso nga pagsupak sa RA 9165.
