PNP, nagpahibalo nga walay hulga nga mahitabo panahon sa piniliay

Walay nakita nga hulga ang Philippine National Police (PNP) labot sa May 12 nga national ug local elections.

Matod pa ni PNP spokesperson Police Brigadier General Jean Fajardo, nakasentro ang deployment sa mga kapulisan sa adlaw sa eleksyon sa mga polling centers, election hubs, checkpoints, border controls, ug sa tanang kalihokan nga adunay kalabotan sa eleksyon.

Dugang pa niini, nga walay bisan unsang seryosong hulga nga posibleng makaguba sa kalinaw sa eleksyon.

Gipasalig usab niya nga dili sila mag kumpiyansa ug kanunay kining naka-alerto.

Lig-on usab ang ilang koordinasyon sa lain-laing regional offices aron masiguro ang hapsay ug malinawon nga eleksyon.