-- ADVERTISEMENT --
Nahuman na ang kampanya ni Pinay tennis star Alex Eala sa Madrid Open sa Spain human siya gipildi ni world number 2 Iga Swiatek sa iskor nga 4-6, 6-4, 6-2.
Bisan pa man nga nagpakita og kusog si Eala ug nakabawi sa 4-4 sa ikaduhang set, apan mas gipakita ni Swiatek, ang four-time French Open champion, ang iyahang kahanas sa clay court.
Sa pagsulod sa deciding set, nakalamang ang Polish player nga si Swiatek og 3-0, apan nakabawi si Eala ug nakapuntos pa og 3-1. Bisan paman niini, wala nagpabaya si Swiatek ug sa katapusan, siya gihapon ang nidaog kontra sa Pinay tennis star.
Gibutyag ni Swiatek nga kini nga sangka kang Eala usa ka rematch tungod gipatumba siya ni Eala sa quarterfinals sa Miami Open niadtong nakalabay nga bulan.
