Gi-imbitahan sa Armed Forces of the Philippines (AFP) ang 19 ka mga nasud aron magsilbing observers sa pagahimuong Ph-US Balikatan joint war games nga mo-arangkada na sa umaabot nga Abril 21.
Gipahayag ni Colonel Xerxes Trinidad, nahilakip sa mga na-imbitahang nasud mao ang Canada, Germany ug United Kingdom nga mikumperma usab sa ilahang pagtambong sa nahisgutang kalihukan.
Ang Ph-US Balikatan ang pagasalmutan sa 5,000 ka mga sundalo sa AFP ug 11,000 usab ang nagagikan sa US troops.
Ang Australia ang musalmot usab kung diin anaa sa 200 ka mga sundalo niini ang gipadala ug nagpadayag usab ang Japanese Self Defense Force nga magsilbing observers.
Nahilakip sa Balikatan ang full-scale joint training sa duha ka magkaalyadong pwersa aron sulayan ang interoperability ug pagpakusog sa operational nga kaandam sa bisan unsang senaryo.
