Padayon pa gihapon nga gina-imbestigahan sa mga sakop sa National Bureau of Investigation (NBI-XI) labot sa liboan ka mga late registered birth certificates gikan sa Davao Region.
Matud pa ni Atty. Arcelito “Archie” Albao, ang labaw sa NBI-XI, nga aduna matud pa silay nadiskubrehan pang lain nga kadudahang nagaparehistro sa laing bahin sa rehiyon, gawas pa sa pipila ka mga kaso nga natala sa Sta. Cruz, Davao Del Sur.
Dugang pa nga mukabat matud pa sa 1,576 ka mga birth certificates ang ilahang nasayran, nga sa karun padayon pa kini nilang ginaimbestigahan.
Gumikan niini, milusad sab sila og backtracking nga magsugod sa tuig 2016, diin ang tumong mao ang pag siguro nga matubag ang tanan sumala pang mga kadudahang dokumento.
Nakigtambayayong na usab ang buhatan sa NBI XI ngadto sa uban pang mga ahensya sa gobyerno, aron nga masiguro niini nga walay mga anomalyang makalusot sulod dinhi sa rehiyon sa Davao.
