Dili palagpason sa Malakanyang ang mga pahayag nga adunay elemento sa inciting to sedition. Gipahayag ni Palace Press Officer Claire Castro nga bisan paman dili balat-sibuyas si Pangulong Ferdinand Marcos jr. ug dili daling maapektuhan sa mga batikos o pagpamalikas, apan nasayod usab ang Malakanyang kung hangtod asa kutob lamang ang pwedeng palagpason.
Dugang gipahayag sa tinubdan nga andam ang Malakanyang nga mupasaka ug kaso batok sa mga nag-aghat sa publiko nga masuko sa gobyerno ug sa pangulo. Gipahayag pa niini nga wala gibabagan sa gobyerno ang katungod sa publiko nga magpadayag sa ilahang gibati, ilabi na kung ang mga nahisgutan ang nagasuporta o panatiko sa usa ka lider.
Apan nagpahinumdum kini nga dili mulapas sa utlanan nga mamahimong makahatag ug alarma, gumikan kay makunsedera na kining inciting to sedition.
