Dead on Arrival sa ospital ang usa ka lalaki nga gidunggab kini sa silingan pasado alas 10:00 Dominggo sa buntag. Subay sa report sa kapulisan, giila ang biktima nga si Arnold Elekay Dulos, drayber, nga residente sa Sitio Maligatong, Purok Mangosteen, Barangay Wines, Baguio District, Dakbayan sa Davao. Samtang ang suspek ang giila nga si Jason Soliva Dalayon, 34-anyos.
Sa inisyal nga imbistigasyon sa kapulisan, niadto ang biktima sa balay sa suspek og nangutana kung aduna ba kini kalabasa, apan adunay nahitabo sumala pa nga panaglalis sa wala masayri nga rason nga miresulta sa pagpanunggab sa suspetsado. Naigo ang biktima sa iyahang likod og tiyan nga maoy hinungdan sa iyahang kamatayon. dali usab nga nadakpan ang suspek human sa maong panghitabo. Nasayran nga aduna na’y bangi ang biktima ug ang suspek.
Karong adlawa pasakahan sa piskalya ang suspek og kasong pagpatay kon murder.
