Nakadiskobre og bag-ong pamaagi sa pagtambal sa cancer ang mga Siyentipiko kon Scientist nga gikan sa Korea Advanced Institute of Science and Technology (KAIST), South Korea human nga madiskobrihan niini ang usa ka bag-ong pamaagi aron ibalik ang mga colon cancer cells sa normal niini nga porma, imbis nga kini ang dauton.
Mugamit og bag-ong digital twin technology ang mga nahisgutan aron tambalan ang cancer.
Ang nasampit nga pagdiskobre ang gipangunahan ni Professor Kwang-Hyun Cho.
‘We have discovered a molecular switch that can revert the fate of cancer cells back to a normal state by capturing the moment of critical transition right before normal cells are changed into an irreversible cancerous state,’ pahayag ni Prof. Cho
Ang bag-ong teknolohiya ang adunay katakos nga sundugon ug sutaon ang interactions sa usa ka gene, nga motumbok sa mga mahinungdanon nga molecular switch nga nagtukmod sa mga kabag-ohan.
Sa kasamtangan nga tradisyunal nga pagtambal sa cancer, kasagaran nga nakapukos sa pagpatay sa mga cancer cells, nga kasagaran nga naghatod usab og hilabihan nga epekto ug nagpataas sa risgo sa subling pagbalik sa sakit.
Apan, sa nadiskobrehan sa team sa mga scientist sa South Korea gilauman na ang bag-ong pamaagi mao ang magtanyag sa usa ka mas luwas ug mas epektibo nga pamaagi pinaagi sa pagkambyuhanay og ideya nga gikan sa pagsirado sa mga cancer cells padulong sa pagpaayo niini.
Kung diin ang mga normal cells ug cancer cells ang makauban ayha pa man kini mahimo nga cancer cells sa panahon sa tumorigenesis —usa ka proseso sa paghimo sa tumor nga kasagaran nga maoy hinungdan sa dili kontrolado nga pagdaghan sa cells sa lawas sa tawo.
Kini nga proseso, ang mga normal cells ang nagbaton og mga kabag-ohan sa ilahang genetic materials, nga nahimo nga hinungdan usab sa ilahang abnormal nga pagdako ug pagdaghan.
Kung mapamatud-an pa sa mga dugang pagtuon ang mga positive result sa pagtuon, mamahimo nga bag-uhon sa bag-ong pamaagi ang natad sa pagtambal sa cancer.
Kini tungod sa mga report sa World Health Organization (WHO) nga ang cancer mao ang ikaduhang hinungdan sa pagkamatay sa mga tawo sa tibuok kalibutan.
Sa kasamtangan ‘wala pa’y tambal nga hingpit nga makapaayo sa tanang matang sa cancer.
Ingon man, adunay mga nagkadaiyang pamaagi aron pakgangon kini sama sa Chemotherapy, Radiotherapy, Surgery ug uban pa.
Ang pagdiskubre sa bag-ong pamaagi sa pagtambal sa cancer ang naghatag og bag-ong paglaom sa mga pasyente nga adunay cancer.
