Nahilakip sa mulupad ang pop star nga si Katy Perry padulong sa gawas sa kalibutan.
Usa ang singer sa nakatakda nga all-women flight sa New Shepherd rocket sa Blue Origin.
Kauban niini ang pipila ka personahe susama sa mismong tag-iya sa Blue Origin nga mao si Jeff Bezos ug ang fiancee niini nga si Lauren Sanchez, ang CBS presenter Gayle King, kanhing NASA rocket scientist Aisha Bowe, civil rights activist Amanda Nguyen, ug ang film producer nga si Kerianne Flynn.
Mao kini ang labing unang all-women space flight nga mahitabo human nagpahigayon ug solo mission kaniadtong 1963 ang Valentina Tereshkova sa Soviet Union.
Wala pay petsa og kanus-a ang maong paglupad sa Blue Origin apan, gikaingon niini nga basin sa mga musunod na nga mga buwan kini mahitabo.
Nasayran nga adunay Lifetime Tour si Perry sugod karung Abril 23 hangtud Nobyembre 11, rason nga ginadahom nga mamahimong mahitabo ang paglupad ayha pa ang konsiyerto sa nahisgutan.
