Padayon ang pagsaka sa kaso sa pre-teenage pregnancy sa nasud subay sa datos sa Philippine Statistics Authority.
Sumala kang PSA Assistant National Statistician Engr. Marizza Grande, ang pagsaka sa kaso sa pre-teenage pregnancy ang mamahimong magpadayon hangtod sa kasamtangang panahon.
Gihimo sa opisyal ang pahayag sa gipahigayon nga Civil Registration and Vital Statistics Data Dissemination Forum.
Kalakip sa mga kaso sa nabuntis nga bata ang adunay edad nga 10 hangtod sa 14 ang pangidaron.
Labing daghan nga kaso sa pre-teenage pregnancy sa nasud ang mokabat sa 3,343 ka mga kaso niadtong 2023.
Mas taas kini kung itandi sa kinatibuk-an nga 1,629 nga kaso nga natala niadtong tuig 2022.
Subay sa datos, natala ang labing daghan nga kaso sa pre-teenage pregnancy sa CALABARZON, Central Luzon, ug lakip sa National Capital Region.
