Paghagsak sa Cessna 208B, padayon nga gina-imbestigahan

Padayon nga giimbestigahan sa mga awtoridad ang hinungdan sa pagkahagsa sa Cessna 208B Grand Caravan nga nahagsa sa Alaska.

Nahiabot niadtong adlaw nga Sabado ang siyam ka mga imbestigador sa National Transportation Safety Board (NTSB) aron pagasugdan ang imbestigasyon sa plane crash site sa nahisgutang eroplano.

Gipahayag ni NTSB Chair Jennifer Homendy, ang nahisgutang eroplano ang adunay sakay nga siyam ka mga pasahero sa dihang kalit nawad-an ug radar contact ang piloto niini.

Padayon ang gihimo nga recovery efforts ilabi na sa siyam ka mga pasahero ug piloto sa nahisgutang eroplano.

Gipaneguro usab sa NTSB sa pamilya sa mga biktima nga himuon sa ilahang team ang makaya aron masayran ang hinungdan sa pagkahagsa sa nahisgutang eroplano.